1/8/2009

工作真係比我好大既壓力...不過我一定會迫自己去成功..

8月,將會係一個由失敗到成功既轉捩點!

xanga唔係唔想打..係打左,都唔知會唔會有人睇,

12-4-09   6:13am

今日屋企人都旅行既旅行,拜山既拜山..唯獨係我一個唔見左銀包,結果自己一個留係屋企,倍感寂寞...

到而家都算搵到份工,雖然唔知搵唔搵到錢,又唔知岩唔岩自己做,但係我都會盡力好做好佢...屋企人真係好多聲氣,叫我搵份正正常常出糧既工,但係基金對我呢一個讀finance 既人黎講真係係一樣好既product,所以我相信始終會有人有呢個需要....不過都唔緊要啦,盡力做好佢,唔得丟放棄咯~ 都唔想衷比人睇..

最慘既都係一而再再而三咁唔見銀包..我真係要咁黑仔咩??

呢個時候要搵個人安慰下真係咁難咩?

都3年了,除左佢,其他人點解唔可以對我好D呢,,每一次都好似要我跌入更深既谷底咁..

我都係求個穩定姐...

6-2-2009    3:42am

這是我在2009年寫的第一篇日記,因此我會盡量去寫好一點吧.

09年的一月,我終於完成了我的讀書生涯,第一時間當然是放鬆自己啦,很快就跟朋友們去了一個台北六日五夜的畢業旅行,雖然是六位男生,但有時同性間的相處往往是最合拍的. 這六天我把大家當成兄弟了,一起食好的東西,看漂亮的女孩,嘗試最難吃的檳榔,我跟大家說的只有一句,多謝了,有機會一的話我們一定會再次結伴同遊的~

回到香港,又是例牌的旅行後遺症,真的感到好空虛啊...不過很快地又是春節的假期了,一家人回鄉探親,收了很多人仔,去了很多地方玩,不錯不錯~

終於春節也過去,開始要面對工作的問題,,但是始終未能收拾心情,結果一月很快就過去了...
隨住二月的到來,屋企也開始施予壓力,自己也有玩夠的感覺,所以已經開始找工,希望能夠快點找到喜歡的工作就好了.

前幾天做了一個夢...竟然隔了這麼久也會夢起,只因為這個夢實在是太完美了,所以亦令今天的我思緒有點混亂..

原來有些東西,即使已經接受了事實,已經淡忘了,但只要心底內它是一件你最重視的東西,就算是三年還是十年,每當回憶被勾起時,內心還會有這點點的痛苦...

還記得我爸曾經跟我說: 你自小每當遇到一時你喜歡你東西,你都會全心全意地去投入於此,可惜你不喜歡讀書.

我想這個夢一生也不會實現吧....

20-11-2008       3:44am

剛剛從poly回來....昨晚通了宵溫書,因明天要測驗,樣子很殘.今天遇見了winnie又說我瘦了,但我卻晚晚食宵夜..真奇怪! winnie也要小心身子了.

好忙好忙啊...黎緊要做既野密密麻麻....3個group project, 仲有大半個月多d就要考試,最慘係考到31號...聖誕又有負擔了~

唉...又財赤了...唔知點樣過呢兩個月..

開始plan去邊度旅行...好大機會去台灣,不過其實我無咩所謂,成班人一齊去邊都會開心!

呢幾日雖然好多野做亦都好勤力,但係個人好無動力....

好似無左一d野可以比到支持同力量我..

好忙好倦好煩好多野擔心好唔開心.

13-11-2008   3:50am

而家仲係理工24度...等緊肥ken佢做埋d野,好眼訓啊...

岩岩個禮拜一放學就同瘦ken & Daniel傾下IB個presentation d 野..點知傾左10分鐘抽左簽就攪掂了,之後就鬥地主鬥到8點幾同埋Alice去打邊爐..本來唸住去旺角稻香打,仲答的士去,點知去到要等成20張細台,無奈之下又走番去尖咀小肥羊食任食火鍋,真係好7.. 唔知係咪因為太好食同任食既關係,我地幾個男仔都食左超多...結果我賴野啦,一出小肥羊就發覺個肚羅羅luen,急急腳走番poly去廁所,呢段路係我人生之中行過既其一段最難行既路....係中途,我有唸過放棄,唸過由得佢算..好彩我意志夠堅定都捱到番poly先去.. 最後,我兩日夾埋痾左6次...下次唔敢了,d野要淥熟d先食!! 唔係又貼錢買爛壽~

不過因為我肚痾既關係,我呢兩日成個人都好倦成身都無力..所以今日半偷懶之下無番工了...想唔到我媽咪又有新野鬧了...佢話佢前世唔知做錯d咩,今世要咁樣罰佢...佢話我好折墮...我都唔知點應佢好...佢連我仲有無唔舒服都無問過..

今日都有去補習..去到個細路勁眼訓...咩都唔聽,結果補左20分鐘佢老豆就話算了,我話收一半啦,佢又話唔好,20 mins $140, 好過去搶...我太唔好意思之下同佢吹左陣水,傾下個細路升中d野~

之後就自己食個M記番poly做project~做完喇,唸住溫下friday個insurance test,又無心機..

YEAH~ friday 有得玩啦...真開心,終於可以認真的輕鬆下...呢段日子真係太大壓力了..

有時在想,如果一切都是命運的安排,那人生除了不順的日子外,總會有如意的時間吧..

但為何我在這兩年多的時間裡,總是會不斷遇到一些不如意的事...

有時..要做的我都做了...而且一切一切只不過出於一顆真心

說實話,我要求的真的不多了... 就算有再多不合我心意的事,我現在都不再執著...只求簡單的過.

因為我已學懂去接受..在這幾年間..

可是,不明為何,讓我感到不知所惜的事依然會發生在我的身邊,一切一切都會讓我感到莫明其妙...

有時真的很辛苦... 只求知道一切...

我的心,可是受不了再多的打擊... 直到心碎時,一切都完了.